Federasyona Gaziyên Bakur û Rojhilatê Sûriyeyê têkildarî êrişên hêzên Desthilata Veguhêz a Şamê yên li ser taxên Şêxmeqsûd û Eşrefiyê yên Helebê daxuyaniyek da.
Di daxuyaniyê de hate bibîrxistin ku hêzên HTŞ’ê demeke li ser herdu taxan qedexe û dorpêça leşkerî ferz dikin û hate ragihandin ku cihê vê yekê di exlaq û qanûnên mirovî de nîne.
Di daxuyaniyê de hate gotin, “Xelkên me yên her du taxan bi can û malê xwe ji bo parastina, rûmeta xwe li dijî çeteyên DAÎŞ’ê û hêzên tundrew berxwedaneke di dîrokê de mînakên wê kêmin bi pêş xistine. Di wê berxwedanê de bi sedan şehîd û birîndar dane.
Em weke gaziyên Bakur û Rojhilatê Sûriyeyê van êrîşên, ji 6’ê Cotmehê ve li hember xelkên me yên berxwedêr ên li taxên Eşrefiye û Şexmeqsûd didomîn rûreş û şermezar dikin.
Pêwîst e her kes zanibe ku xelkên me yên Eşrefiye û Şêxmeqsûd, ne bi tenê ne. Teqez divê demildest êrîşên li ser xelkên sivîl werin rawestandin, çeteyên li dora taxên Eşrefiye û Şêxmeqsûd werin vekişandin û rêyên girtine bên vekirin. Heqê ti kesî nîne ku careke din herêmên me veguherînin qadên şer û êrîşên tundrew û cîhadîst.
Weke gaziyên şer di serî de em berxwedana xelkên xwe yên, li Eşrefiye û Şêxmeqsûd silav dikin. Em ji welatiyên xwe yên di êrîşên çeteyan de şehîd, bûye re sersaxiyê dixwazin û ji birîndaran re jî şîfaya xêrê dixwazin.”
Daxuyanî bi vê peyamê bi dawî bû:
“Em ji her kesî re jî radigihînin ku weke gaziyên ji bo, azadiya gelên herêmê berdêlên giran dane, ji niha û şûn ve jî ji bo parastina xak û xelkên xwe çi ji destê me were teqez em ê texsîr nekin.”
