Beriya çend kêliyan, li Şamê hevdîtina şandeya Rêveberiya Xweseriya Demokratîk a Herêma Bakur û Rojhilatê Sûriyeyê û şandeya hikûmeta demkî destpê kir. Ev hevdîtin di çarçoveya bicihanîna bendên peymana 10’ê Adarê de ku di navbera QSD’ê û hikûmeta demkî de hatibû îmzekirin, pêk tê.
Di hevdîtinê de ji şandeya Rêveberiya Xweser Îlham Ehmed, Mazlûm Ebdî û Rohilat Efrîn û ji şandeya hikûmeta demkî Ehmed El Şera û Esed El Şîbanî amade bûn.
Fermandarê Giştî yê Hêzên Sûriya Demokratîk (QSD) Mazlûm Ebdî, Hevseroka Daîreya Têkiliyên Derve Îlham Ehmed, Fermandara Yekîneyên Parastina Jin (YPJ) Rohilat Efrîn, Cîgirê Hevserokatiya Meclisa Sûriya Demokratîk (MSD) Xesan El Yûsif û Serokê Partiya Sûriya Pêşerojê Ebid Hamid El Mehbaş, 6’ê Cotmeha 2025’an bi Nûnerê Taybet ê Emerîkayê yê li Sûriyê Tom Barrack û Fermandarê Fermandariya Navendî ya Emerîkayê (CENTCOM) Amîral Brad Cooper ku serokatiya şandeyeke ji Koalîsyona Navneteweyî dikir, re hevdîtin kiribûn.
