Heyeta Îmraliyê ya Partiya Demokrasî û Wekheviyê ya Gelan (DEM Partî) danûstandinên xwe yên li Herêma Kurdistanê ya Federe ku li Hewlêrê da destpêkirin, li Silêmaniyeyê qedand.
Heyetê piştî hevdîtina bi lîderê YNK’ê Bafil Talabanî û Alîkarê Serokwezîrê Herêma Kurdistanê ya Federe Qubat Talabanî serdana gora Celal Talabanî kir.
Ji Heyeta Îmraliyê ya DEM Partiyê Pervîn Bûldan lênûska taybet a li gora Talabanî îmze kir û ev daxuyanî da: “Pêkanîna aştî û azadiya gelê Kurd ku hesreta Mam Celal bû, xwedîderketina li bîranîna wî ye. Em soz didin, ku ev yek wê di dema herî kurt de bê pêkanîn. Em serbilind in ku me dilsoziya Birêz Ocalan a bi Mam Celal re ji kurên wî re ragihand. Bi minet û hurmet bi bîr tînim.”
