Hêzên Ewlekariya Hundirîn-Helebê bi daxuyaniyekê diyar kir ku hêzên wan vekirina tu korîdorên ewlehiyê nexwestine û naxwaze jî, ev agahiyên li ser navê hêzan tên parvekirin, derew in.
Di daxuyaniyê de wiha hate gotin: “Hin dezgehên ragihandinê agahî û daxuyaniyên derew li ser navê hêzên me tên parvekirin, di nav de îdiaya bêbingeh ku hêzên me daxwaza derketina ewle ji taxên xwe yên li Helebê kirine, derew in. Em diyar dikin ku ev îdia bi tu awayî ne rast in.
Hêzên me, ne aliyek êrişkar e, tu korîdorên ewlehiyê nexwestine û naxwaze jî. Aliyê divê tank, top û çekdarên xwe ji derdora taxên şêniyan vekişîne, aliyê êrişkar ê komên hikumeta Şamê ye. Ji ber ku bi awayekî aşkera taxên şêniyan hedef digirin.
Hêzên me di cihên xwe de ne, gel û taxên xwe bi lehengî diparêzin, bi biryardarî û vîneke xurt li hember tank û topavêjan disekinin. Em nakevin pey kampanyayên derew ên bi armanca şikandina moralan û berovajîkirina rastiya li ser erkê pêk tê. Rastî zelal e; divê êrişkar bikişe û yê parastina xaka xwe de gav paş de navêje.”
