Navenda Ragihandina Hêzên Ewlekariya Hundirîn-Helebê bi daxuyaniyekê diyar kir ku komên çete yên dewleta Tirk a dagirker ên di nava hêzên hikumeta demkî de ciwanên revandinê weke mertal dixin eniyên pêş.
Hêzan di daxuyaniya xwe de da zanîn ku di sûceke birêxistinkirî û zelal de komên çete yên dewleta Tirk ên di nava hêzên hikumeta demkî de bi tank û topan êrişî taxên Helebê dikin, gefên êrişkirina berxwedan xwarin. Komên çete hewl didin bi van êrişên dijwar taxan valan bikin û şêniyên bidin koçberkirin. Ev siyaseta sîstematîk binpêkirina tevahî qanûn û mîsaqên navneteweyî ye, zihniyeta leşkerî û zexta derûnî li dijî welatiyan nîşan didin.
Di daxuyaniyê de hat destnîşankirin ku dema êrişa berfireh a van koman hat têkbirin û nikarîn berxwedana şêniyan têk bibirana, komên çete ciwanên neçar mane ji taxên Şêxmeqsûdê derkevin revandin û wekî mertalên zindî di eniyên pêş de bi kar tînin. Di heman demê de kesên temenmezin ji nû ve vegerandin taxê.
Di dawiyê de hat gotin ku bikaranîna welatiyan weke mertal sûcên dermirovî ne, bi hewldana koçberkirina şêniyan e.
