Rêxistina Mafê Mirovan a Kurdistanê ragihand ku îro jina Kurd Leyla Elîremayî ya ji gundê Bêsaran a ser bi bajarê Merîwan a Rojhilatê Kurdistanê, di encama gulebarana raste rast a hêzên Îranê de hate qetilkirin.
Hate diyarkirin ku Leyla Elîremayî 35 salî û dayîka du zarokan bû.
Li gorî heman daxuyaniyê, kujer bi navê Keywan Basemî ye û endamê artêşa Pasdarên Îranê ye. Bûyer li bajarokê Hîcret bi nasnav Cucesaz a li dewruberê Merîwanê qewimî.
Rêxistinê da zanîn ku hêzên ewlehiyê zext li malbata Elîremayî kirine ku ji axaftina bi rêxistinên mirovî dûr bisekinin. Hat zanîn ku êşkence û tundî li malbatê hatiye kirin.
Rêvebera Rêxistina Parastina Jinan a Atna Zehra Îftîxarzade ragihand ku ji destpêka salê ve 63 jin li bajar û navçeyên cuda yên Rojhilatê Kurdistan û Îranê hatine qetilkirin.
