Hevseroka Daîreya Têkiliyên Derve ya Rêveberiya Xweser Îlham Ehmed li ser hesabê xwe yê medya dîjîtal peyamek parve kir û got, “Ji gelê me rica dikim ku baldar be. Têkildarî ‘komkujiyên Hesekê’ nûçeyên derewîn têne belavkirin û hêzên dijmin van nûçeyan diweşînin.”
Îlham Ehmed anî ziman ku ev hewldan ji bo wê yekê tê kirin ku agirbest bê qedandin, di navbera eşîran de rageşî bê zêdekirin û êrişên li ser Hesekê û Kobanê jinûve bêne destpêkirin. Îlham Ehmed got, “Ev nûçe ji aliyê çavkaniyên ser bi aliyên xeraker ve têne belavkirin. Armanc astengkirina agirbestê, sorkirina şerê eşîran û jinûve destpêkirina êrişên li ser Hesekê û Kobanê ye.
Em bang li welatiyan dikin ku di asta herî bilind de baldar bin. Nûçeyên têkildarî ‘Komkujiyên li Hesekê’ bi temamî sexte û derewîn e.”
