Li gorî rapora roja Pêncşemê hat weşandin, germahiya navînî ya cîhanî 16,11 pile bû. Ev rêje ji dema pêş ya pîşesaziyê 1,47°C bilindtir e.
Li gorî Copernicus, Îlona 2025’an di salên dawî de yek ji mehên herî germ bû. Pispor, dibêjin germahiya bilind bandora mayînde ya gazên serayê nîşan dide.
Zêdebûna germê ya herî xurt li bakur û rojhilatê Ewropayê hat dîtin. Germahiya li peravên Kanada, Sîbîrya û Antarktîkayê jî ji her salê pirtir bû.
Li herêmên wekî Îskandînavya, Îtalya, Hirvatîstan, Spanya û Behra Reş baran zêde, lê li Başûrê Emerîkayê, Rûsya aliyê Asyayê û bakurê Hindistanê ziwa bûn hat tomarkirin.
Daneyên Copernicus’ê ku xwe dispêre hata salên 1940’an diyar dikin ku germahiya cîhanî her sal zêde dibe û bandora guherîna avhewayê jî xurtir dibe.
