Şerê navbera Îran û Îsraîlê kete roja 10’emîn. Dewletên Yekbûyî yên Emerîkayê (DYE) nîvê şevê êrîş bir ser navendên bernameya nukleerî yên Îranê. Demeke kurt piştî van êrîşan, Îsraîlê ragihand ku wan jî êrîş kirine.
Di daxuyaniyê de hate ragihandin ku hêzên hewayî “Dest bi lêxistina li hedefên leşkerî yên li rojavayê Îranê kirine.”
Artêşa Îsraîlê got, “Vê sibehê amûrên fuzeyê yên ku amade bûn fuzeyan biavêjin xaka Îsraîlê û leşkerên hêzên çekdar ên Îranê bûn hedefa êrîşan û amûrên fuzeyan bi lez hatin bêbandorkirin.”
ÊRÎŞÊN ÎRANÊ YÊN LI SER ÎSRAÎLÊ: HERÎ KÊM 23 KES BIRÎNDAR BÛN
Vê sibehê Îranê jî bi dehan fuze avêt Îsraîlê. Li gorî medya Îsraîlê êrîş li 10 navendan hate kirin, herî kêm 35 fuze hatin avêtin, piraniya fuzeyan hatin astengkirin, lê belê li hin herêman bû sedema xisareke girîng.
Li Tel Avîvê jî 2 avahî hilweşiyan. Rayedaran diyar kirin ku sê jê zarok herî kêm 23 kes birîndar bûn.
