Wezîrê Parastinê yê Îsraîlê ferman da artêşê ku ji bo ‘vekişîna bi dilxwazî’ ya Xezeyiyan dest bi amadekariyê bike.
Li gorî nûçeyên li çapemeniya Îsraîlê, Wezîrê Parastinê yê Îsraîlê ferman da artêşê ku ji bo ‘vekişîna bi dilxwazî’ ya Xezeyiyan dest bi amadekariyê bike.
Ev biryar piştî plana Serokê DYE’yê Donald Trump hate wergirtin ku Trump gotibû, wê kontrola Xezeyê bixe destê xwe û Fîlîstîniyên li wê derê ji cih û warê wan bike û bişîne welatên cuda.
Li gorî qenala televîzyonê ya Îsraîlê Channel 12, Israel Katz got, “Plana bi wêrekî ya Serok Trump bi kêfxweşî pêşwazî dikim. Divê destûr ji şêniyên Xezeyê re bê dayin ku Xezeyê biterikînin û weke ku li cîhanê pîvaneke, karibin bi rengekî azad koç bikin.”
Li ser pirsa, Fîlîstînî wê li kîjan welatan bêne qebûlkirin, Wezîr bal kişand ser welatên li ber operasyonên leşkerî yên li Xezeyê radibûn.
Wezîr Katz got, “Spanya, Îrlanda, Norwêc û welatên mîna wan ku Îsraîl ji ber çalakiyên wê yên li Xezeyê sûcdar dikirin, bi rengekî qanûnî xwedî wê berpirsyariyê ne ku kesekî ji Xezeyê qebûl bike.”
Li gorî nûçeya Channel 12, di nava plana Israel Katz de li gel rêyên bejahî her wiha rêyên hewayî û deryayî jî hene.
