Serdozgeriya Komarê ya Wanê ji ber parvekirinek li ser Rojîn Kabaîş a ku bi awayekî guman jiyana xwe ji dest dabû, li dijî nûçegihana Jinnewsê Dîlan Babat lêpirsîn da destpêkirin.
Rojnamevan Dîlan Babat bi parêzerê xwe re li Dadgeha Dîyarbekirê îfade da. Dîlan Babat ji ber parvekirina nûçeya “Îdîaya nehatî lêkolînkirin: Gelo cerdevanekî ewlehiyê heye ku ji welêt reviyaye?” ku di 21’ê Cotmehê de hatibû weşandin, rastî lêpirsînê hat.
Dîlan Babat bi rêya Sîstema Agahiyên Bi Deng û Dîtbarî (SEGBÎS) bi tohmeta “Agahiyên ku gel dixapîne bi eşkereyî belav kiriye” îfade da dozgeriyê.
Dîlan Babat û parêzer ev sûc qebûl nekirin û diyar kirin ku wan ev nûçe wekî îddia parve kirine.
