Ji bo şervanê YPG’ê Nîmet Yildiz (Pîro Mordem) ê ku 22’yê Tîrmeha 2024’an li bajarê Dêrikê ya girêdayî Kantona Cizîrê ya Bakur û Rojhilatê Sûriyeyê şehîd bû, li Mala Şînê ya Mazidag a li navçeya Rêzan a Amedê konê sersaxiyê hate danîn.
Bi pêşengiya MEBYA-DER’ê nûnerên partiya siyasî û nûnerên rêxistina civakî ya sivîl, gelek kes beşdarî serdanê bûn.
Di meşa ji bo çûyîna konê sersaxiyê hatî lidarxistin de, dirûşmeyên “Şehîd namirin” û “Bijî Serok Apo” hatin berzkrin.
Rêveberê MEBYA-DER’ê Mehmet Emîn Kiliç di dema serdanê de axivî, bal kişand ser Banga Rêber Apo ya Aştî û Civaka Demokratîk û diyar kir ku divê hewldana ji bo aştiyê were mezinkirin.
Serdan piştî duayan bi dawî bû.
