Trump di daxuyaniya xwe ya li ser hesabê medya dîjîtal de got, “Min ferman da ku li bakurrojavayê Nîjeryayê li dijî terorîstên DAÎŞ’ê êrişeke xurt û kujer bê kirin. Van terorîstên ku Xiristiyanên bêguneh qetil kirin, berdêleke giran dan.”
Fermandariya Efrîkayê ya Dewletên Yekbûyî yên Emerîkayê (US Africa Command) ragihand ku êriş li eyaleta Sokoto ya li ser sînorê Nîjerê bi koordînasyona rayedarên Nîjeryayê hatiye kirin. Fermandariyê ragihand ku li gorî nirxandinên destpêkê li kampên DAÎŞ’ê “Gelek terorîst hatin kuştin.”
Wezîrê Parastinê yê DYE’yê Pete Hegseth jî ji ber hevkarî û piştgiriya hikumeta Nîjeryayê spasiya xwe kir. Wezareta Karên Derve ya Nîjeryayê jî hevkariya bi DYE’yê ya li ser “Êrîşên hewayî yên li dijî hedefên teorê” piştrast kir û diyar kir ku welatiyên welêt bêyî cudahiya olî û etnîkî wê bêne parastn.
Ji şêwirmendên Serokdewletê Nîjeryayê Bola Ahmed Tinubu, Daniel Bwala jî anî ziman ku DYE û Nîjeryayê di têkoşîna li dijî terorê de li ser “heman xetê” ne.
Trump mehên dawî rewşa Xiristiyanên li Nîjeryayê tim û tim xist rojevê û bi hineta “binpêkirina azadiya olî” xistibû lîsteya şopandina taybet. Li DYE’yê bi taybetî ji derdorên muxafazakar û hin senatoran bangên ji bo destwerdana leşkerî ya li Nîjeryayê hatibû kirin.
