Çalakiya nobetê ya li Wargeha Penaberan a Şehîd Rûstem Cûdî (Mexmûr) ku di 20’ê Tirmeha 2023’an de ji bo azadiya fîzîkî ya Rêber Apo hatiye destpêkirin, 174 kom li pey xwe hişt.
Merasîma dewrgirtina çalakiya nobetê li Saziya Malbatên Şehîdan a Wargeha Mexmûrê, bi deqeyek rêzgirtinê di kesayeya Şehîd Evîn Goyî de ji bo hemû şehîdên Tevgera Azadiya Kurdistanê destpê kir.
Piştî rêzgirtinê li ser navê koma 173’an Hevberdevkê Komîteya Malbatên Şehîdan a Wargeha Mexmûrê Qedrî Şirişeyî axivî.
Qedrî Şirîşeyî diyar kir ku çalakiya ku bi pêşengtiya dostên gelê Kurd hatî destpêkirin du salên xwe tejî kir. Wek wargeh pîroz em di sala sêyemîn a çalakiyê de ne. Bi navê komê û bi navê gelê wargeha pîroz hemû kesên ku di dirêjiya van sê salan de tevlî van çalakiyan bûne, bi heman armancê yên ku keda wan derbaz bûyî û ragihandina azad em hemûyan pîroz dikin û serkeftinê ji wan re dixwazin. Ev nêzî sê salin wek civaka wargehê îrade nîşan didin, ji dost û dijminên xwe re jî dibêjin heta ku ev pirsgirêk negihije çareseriya xwe, wê têkoşîna me bênavber bidome.”
Piştî daxuyaniyê, çalakî bi dirûşmeyên ‘Bijî Rêber Apo’, ‘Bê Serok Jiyan Nabe’ û ‘Jin Jiyan Azadî’ dewrî koma nû hate kirin.
