Li gorî rapora Navenda Xebatên Stratejîk û Navneteweyî (CSIS) navenda wê li Washingtonê ye, baregeha berbehs li herêma Sinpung-dong a li eyaleta Pyongana Bakur e û moşekên balîstîkî yên navparzemînî (ICBM) lê hatine bicihkirin ku ihtimal heye xwedan kapasîteya serikên nukleerî ne.
Di raporê de hate destnîşankirin dibe ku baregeh ji bo Asyaya Rojhilat û Emerîkayê bibe ‘’gefeke nukleer.’’
CSIS’ê da zanîn ku ev yek, yek ji 20 baregehên moşekên balîstîkî yên veşartî, tesîsîên venêrîn, piştgirî û depokirina moşek û serikên şerî yên ku Koreya Bakur heya niha eşkere nekirine, be. Her wiha hate diyarkirin ku ev yek yekem xebata teyîdkirina berfireh a xwe dispêre çavkaniyên vekirî ye.
Geşedana berbehs, piştî daxuyaniya Serokê Koreya Bakur Kim Jong-un a têkildarî ‘’berfirehkirina kapasîteya nukleer a bilez ‘’ a demeke kurt beriya niha pêk hat.
Rêveberiya Pyongyangê ji hevdîtina bi Donald Trump re ya li paytextê Vîetnam Hanoiyê ya di sala 2019’an ve ye ku ji hevdîtina berbehs encamek nehatibû standin, dibêje ku ew tu caran dev ji çekên xwe yên nukleerî bernade û ‘’statuya wê ya hêza nukleerî ji destê wan nayê standin.’’
