Koreya Bakur: Me li hember leşkerên Emerîkî yên li Koreya Başûr tedbîrên taybet girtin

Serokê Koreya Bakur Kim Jong-un, di vekirina fûara çekan de li Pyongyangê axivî.
 
Li gorî KCNA’yê, Kîm ragihand ku wan tedbîrên taybet li hemberî leşkerên Emerîkî girtine, lê derbarê navaroka van tedbîran agahî neda. Kim, da zanîn ku li Koreya Başûr nêzîkî 28 hezar û 500 leşkerên Emerîkî hene û tetbîqatên hevbeş ên ku meha borî ji hêla leşkerên Emerîkî, Koreya Başûr û Japonya ve hatine pêkanîn weke “prova dagirkirinê” bi nav kir.
 
Lê belê, welatên hevalbend îdia kirin ku ev tetbîqat ji bo armancên parastinê ne.
 
Kîm Jong-un got, “Hevpeymaniya nukleerî ya Emerîka-Koreya Başûr bi lez xurt dibe û ew tetbîqatên cur bi cur bi armanca pêkanîna senaryoyên xeternak lidar dixin.”
 
Kîm Jong-un got, “Her ku hebûna artêşa Emerîkî li Koreya Başûr zêde dibe, fikarên me jî zêde dibe. Ji ber vê yekê, me hêzên xwe yên taybet li hedefên sereke bi cih kirine.”
 
Di wêneyên ku ji aliyê KCNA’yê ve hatine weşandin de, diyar dibe ku Kîm Jong-un bi generalan re li fûara çekan dimeşe ku tê de fûze jî dihatin pêşandan.