Hêzên hikumeta demkî ya Sûriyeyê vê sibehê rêya Selemiye-Tebqa ku damara zindî ya ku deverên Herêma Bakur û Rojhilatê Sûriyeyê bi hundirê Sûriyeyê ve, bi rêya rêyên Eseriya û Xenasir ve girê didin, girt.
Piştî rêya Dêr Hafir-Helebê di 27’ê Îlona 2025’an de ji hêla hêzên hikumeta demkî ve hat girtin, rêwiyan berê xwe da vê rêyê.
Bi dehan wesayit li serê rêya bajarê Tebqayê, bi hêviya di saetên bê de dîsa were vekirin, sekinîne. Li gorî ajokarên li deriyê Tebqayê rawestiyane, rê ji hêla endamên bendên kontrolê yên hêzên hikumeta demkî ve bi rêya danîna komên axê (barîkat) hatiye girtin.
Li gorî ku ajokaran bi rojnamevanan re axivîne, bi sedan wesayit û qemyon hîna li ser bendên kontrolê sekinîne û li benda rêdanê ne.
Hêjayî bibîrxistinê ye ku piranî rêwiyên di van wesayitan de xwendekar û nexweş in.
