Li bajarokê Pirxûsê yê navçeya Xelatê ya Bedlîsê, şîrketa Ecowind 1 Enerji A.Ş. a ser bi Ecogreen Enerji Holdingê dixwaze li qadeke çêrgehê ya ji hezar û 80 donimî projeya Santrala Enerjiya Rojê ya Depokirinê (G-GES) ava bike. Di çarçoveya doza ku li dijî vê projeyê hate vekirin de Dadgeha Îdareyê ya Wanê li cihê projeyê keşif kir.
Di dema lêkolîna heyeta dadgehê de jendermeyan dor li qadê girtin. Şêniyên bajarok jî ji bo şopandina keşfê hatin herêmê. Gundî bi makîneyên xwe yên çandiniyê, traktor û heywanên xwe li qadê disekinin.
Endamên Komeleya Hiqûqnasan a ji bo Azadiyê (OHD), Hevberdevkê Tevgera Ekolojiyê ya Mezopotamyayê Erdogan Oduk, Parlamentera Bedlîsê ya DEM Partiyê Semra Çaglar Gokalp jî keşif şopandin.
Tê payin ku piştî keşfê saet di 14:00 de li Qada Pirxûsê daxuyanî ji çapemeniyê re bê dayin û piştre ber bi qada projeyê ve meşek bê lidarxistin.
