Hêzên girêdayî hikûmeta demkî ya li Şamê dema dikevin bajêr, lîderên ruhanî yên Durzî daxuyaniyên cuda didin.
Hîkmet El Hicrî ku di civaka Durzî de lîderekî ruhanî yê bi bandor e, diyar kir ku danezana li ser erêkirina ketina hêzên Şamê ya ji bo bajêr, di bin zextê de hate îmzekirin û got, ew qebûl nakin ku bajar bibe qada şer. El Hicrî got, “Em ti tiştê li ser navê me hatî nivîsandin û jê bawer nakin, qebûl nakin. Danezana hatî weşandin, di bin zextê de hate amadekirin. Ji îro û pêve em ti dengê ku helwesta me ya rast nîşan nade, nas nakin.”
Wezîrê Parastinê yê hikûmeta demkî jî li ser hesabê xwe yê X’ê ragihand ku wan li Suveydayê tam agirbest îlan kiriye. Di saetên siharê de bi ketina hêzên Şamê ya bajar re, car din şer destpê kir.
Ketina hêzên Şamê ya ji bo bajar, weke binpêkirina peymanê hate nirxandin.
Îsraîlê jî li bajar bombe li hêzên Şamê barand.
Rewşa li bajar hîna tevilhev e, ferman hate dayîna artêşa Îsraîlê ku li cihên hêzên Şamê bixe. Piştî wê, li Suveydayê êrîşeke din a hewayî pêk hat.
