Li Sûdanê ji sala 2023’yan ve ye di navbera Hêzên Piştevaniya Lezgîn û artêşê de şerê desthilatdariyê heye. Hêzên Piştevaniya Lezgîn ji aliyê General Muhammed Hamdan Dagalo ve tê birêvebirin û artêş jî ji aliyê serokê welat ê fîîlî General Abdulfettah el-Burhan ve tê birêvebirin.
David Lammy di forumê de li ser pirseke têkildarî krîzê axivî û got: ‘’Krîza li Sûdanê a niha weke xirabtirîn bobelata mirovî ya cîhanê ye û cihê fikarê ye.’’
David Lammy diyar kir ku raya giştî ya navneteweyî şer û pevçûnên li Sûdanê zêde nîşan nade û ev yek anîn ziman: ‘’Li hemberî vê krîzê li seranserê cîhanê bi taybetî jî welatên Rojavayî bê eleqe ne, nediyarî û kêmasiya nenîşandanê heye.’’ Lammy destnîşan kir ku ew çawa dest bi kar bike, ji bo ku balê bikşîne ser vê yekê wê ji ya destê wî tê bike.
Şer û pevçûnên li Sûdanê bûn sedem ku bi deh hezaran welatî jiyana xwe ji dest bidin û 13 milyon kes jî ji cih û warên xwe bibin. Li welêt pergala tenduristiyê têk çûye û binesaziyê zirareke mezin dîtiye. Li pênc herêman jî (3 kampên li baharê Darfurê û hin herêmên li Çiyayê Nubayê) bi awayekî fermî xela hate ragihandin.
