Li Amedê Ekolojîst, cotkar, rojnamevan, xwendekar, partiyên siyasî û rêxistinên civaka sivîl li Eywana Konferansan a Tahir Elçî ya Baroya Amedê hatin gel hev û avakirina Meclîsa Ekolojiyê ragihandin.
Di daxuyaniyê de pankarta “Bê jiyana ekolojîk aştî pêk nayê” hate hilgirtin. Di daxuyaniyê de, ewil endamê Komeleya Ekolojiyê ya Amedê Necdet Sezgîn axivî û armanca civînê vegot. Sezgîn, got: “Em, Meclîsa Ekolojiyê ya Amedê ava dikin. Ew meclîs dê bibe çareseriya pirsgirêkên têkildarî ekolojiyê. Li Rojhilata Navîn şer heye. Em wekî Meclîsa Ekolojiyê li dijî şer in.”
Piştî hilbijartina dîwanê, deqeyek rêz hate girtin. Piştre jî ekolojîst Yildirim Arslan axivî û peywirên meclîsê û rojevên wê parve kir. Arslan, diyar kir ku tevgera azadiyê hişmendiyek di wan de ava kiriye û got: “Ew keda 50 salan, gihiştiye asteke bilind. Çiqasî bi gel re têkilî xurt be, xebat jî ew qas digihijê gel. Em pergala Modernîteya Demokratîk diparêz in. Wê rê nîşanî me daye. Azadiya jinê ronesensa me ye. Divê em vê baş fêm bikin. Aliyê xwe yê ekolojîk pêş bixin. Îro em li Rojhilata Navîn pêşengtiya Ronesansê dikin. Lewma divê êdî xebatên teorîk bigihêjin gel.”
RÊZIKNAMEYA MECLISÊ HATE XWENDIN
Piştre jî rêziknameya Meclîsa Ekolojiyê ya Amedê ji hêla aktîvîst Semra Dagdelen ve hate xwendin û meclîs hate ragihandin.
