Hevseroka Giştî ya DBP’ê Çîgdem Kiliçgun Ûçar bi wesîleya 8’ê Adarê Roja Jinên Kedkar ên Cîhanê di mîtînga li Amedê de axivî.
Çîgdem Kiliçgun Ûçar bal kişand ser jinên hatine qetilkirin, bi bîr xist ku di meha Çileyê de 20 jin hatine qetilkirin û şervana QSD’ê Denîz Çiya ya ku bedena wê li Helebê ji avahiyê hate avêtin, bi bîr anî.
Çîgdem Kiliçgun Ûçar wiha got, “Niha Şerê Cîhanê yê 3’yemîn diqewime. Jinan li dijî vî şerî porên xwe hûnandin û kirin kezî. Li Rojava jinan bi destê xwe azadiya xwe ava kirin. Azadiya jinan, civakan û gelan bi hev ve girêdayî ye.
Dema em li Rojhilat dinêrin, Jîna Emînî, Şirîn Elemhûlî û ‘jin jiyan azadî’ tê bîra me. Em ji Zarîfeyan heya Sarayan, ji Bêrîtanan heya Denîz Çiyayan xwedî mîrateyeke pir xurt in. Em bi vê mîrateyê azadiyê mîsoger dikin. Roja jinan li me hemûyan pîroz be.”
