Tevgera Jinên Azad (TJA) li Qada Îstasyonê bi dirûşma “Em li dijî Komkujiya li ser Jinê Serî Hildidin, Ber bi Azadiyê ve dimeşin” mîtîngê lidar dixe. Li qadê pankratên “Em bi têkoşînê xurt dibin û aştiyê bi rêxistin dikin”, “Jin berê xwe didin rojê”, “Yên xwe bi rêxistin dikin azad dibin, yên azad dibin xweşik dibin”, “Peymana Stenbolê dide jiyîn” û “Em li dijî, mêtingerî, xizanî, komkujiyên jinan û xwezayê li qadan in” hatin daliqandin.
Jinên ku bi cil û bergên xwe yên neteweyî li ber AZC Plaza ya navçeya Ofîsê li hev kombûn, bi tilîlî û berzkirina dirûşmeyên “Jin, jiyan, azadî” heta qadê meşiyan.
Jinan di meşê de pankartên ku bal dikişîne ser banga “Aştî û Civaka Demokratîk” a Rêber Apo hilgirtin.
Di bernameya mîtîngê de wê Berdevka Meclîsa Jinan a Partiya Wekhevî û Demokrasiyê (DEM) Halîde Turkoglu, Gultan Kişanak û Ayla Akat Ata biaxivin û peyama 8’ê Adarê ya ku Rêber Apo ji jinan re şandiye wê were xwendin.
Piştre jî hunermend Rojda wê derkeve ser dikê û bi stranên xwe qada mitîngê bi coş bike.
