Berpirsê Parastina Sivîlan Rafaelito Alejandro, diyar kir ku piraniya mirinan ji ber xeniqînê pêk hatine. Herî kêm 26 kes mirin ku 21 ji wan li eyaleta Cebu bûn.
Li gorî rayedaran 400 hezar kes neçar mane malên xwe berdin û gelek bajar di bin avê de mane. Li Girava Cebu niştecih ji bo xwe biparêzin hilkişiyane ser baniyan.
Waliyê Cebu Pamela Baricuatro got, “Rewşek ku bişibihe vê qet neqewimiye. Me texmîn dikir ku wê ba xetertir be, lê me fêm kir ku xetereya herî mezin av in.”
Xebatkarên meteorolojiyê, diyar kirin ku di 24 saetan de 183 mîlîmetre baran li Cebu bariye. Li Gireva Mîndanao helîkopterek ku ji bo rizgarkirinê çûbû herêmê ket xwarê. Artêşê diyar kir ku di vê qezeyê de kes sax nemaye.
Komên rizgarkirinê li Cebuyê li deverên lehî rabûne, cenazeyê du zarokan dîtin.
Rayedaran, dan zanîn ku barana zêde û hezîna axê wê di rojên pêşî de jî bidome.
