Biryar, piştî rûdana bûyerên rojên dawîn ên ji ber neqilkirina serokên çeteyan a ji bo girtîgehên ewlehiya bilind hate standin. Di êrîşên çeteyan de 8 polîs hatine kuştin û komên çekdar jî li herêmên welêt ên cuda kontrola sê girtîgehan bi dest xistine.
Li gorî rayedaran girtiyên endamên çeteyên Barrio 18 û Mara Salvatruchayê, ji roja Şemiyê ve ye 45 karmendên girtîgehê û psîkatrîstek dîl girtine. Çalakiyên dîldirtine, li gel daxwaza neqilkirina serokên çeteyan ya ji bo girtîgehên ewlehiya wan kêmtir, dest pê kirin.
Serokê Dewletê Arevalo diyar kir ku rewşa dorpêçkirinê ji ber dabînkirina ewlehiya raya giştî û sazkirina otorîteya dewletê hatiye îlankirin. Di çarçoveya biryarê de mafên civîn û xwepêşandanan hatine betalkirin û ji hêzên ewlehiyê re rayeyên binçavkirin û lêpirsîna bêyî biryara darazê hatine dayîn. Ji bo ku sepan bikeve meriyetê divê ji aliyê parlamentoyê ve were erêkirin.
Her wiha Arevalo da zanîn ku hêzên ewlehiyê kontrola sê girtîgehan ji nû ve bi dest xistine û 46 dîlgirtî hatine rizgarkirin û ev yek anîn ziman: ‘’Dewletê kontrola tam ji nû ve bi dest xist. Çeteyan li hemberî dewleteke xurt û rêzê li hiqûqê digire çok danîn.’’
Çeteyên bi navê Barrio 18 û Mara Salvatrucha ku ji aliyê DYE û Guatemalayê weke ‘’rêxistinên terorî’’ tên pênasekirin, ew demeke dirêj e li welêt sûcên weke cînayet, xesp û bazirganiya tiryakê dikin. Çete li herêmên di bin kontrola wan de ye ji esnaf û welatiyan xeracê distînin; yên nadin jî tên kuştin.
