Êrîşên komên çete ên dagirker ên ku ji hêla dewleta Tirk ve tên destekkirin û di bin serokatiya Wezareta Parastinê ya Hikûmeta demkî ya Sûriyeyê de yên li ser taxên Şêxmeqsûd, Eşrefiyê û Benî Zêd ên Helebê di roja sêyemîn de dewam dike. Ji destpêka êrîşan ku di 6’ê Çileyê de dest pê kirin, hejmara şehîd û birîndaran zêde dibin.
Di encama êrîşên komên çete ên hikûmeta demkî ya Sûriyeyê ku ji aliyê dewleta Tirk ve tên destekkirin yên li dijî taxên Şêxmeqsûd, Eşrefiyê û Benî Zêd ên bajarê Helebê de welatiyê bi navê Hikmet Toşo (27) şehîd bû.
Di encama êrîşan de ku sê roj in didome, hejmara şehîdan gihişt 11’an ku 2 ji wan zarok in û 63 kes jî birîndar bûn.
DRONEK BOMBEBARKIRÎ HAT XISTIN
Li gorî agahiyên ji herêmê hatine bidestxistin Hêzên Ewlekariya Hundirîn-Helebê droneke din a bombebarkirî ya çeteyan xist xwarê. Heta niha 5 dron hatine xistin û tankek hat rûxandin.
