Meclisa Malbatên Şehîdan a Helebê ji bo şervanê QSDˊê şehîd Artêş Efrîn (Xalid Mamo) û Gerîla Kurdistan (Beşar Mistefa) ên ku di 2018ˊan de di Berxwedana Serdemê de şehîd bûbûn, merasîma xiyabî li dar xist.
Piştî deqeya rêzgirtinê, endamê Meclisa Malbatên Şehîdan Mihemed Ekrem sersaxî da malbatên şehîdan û diyar kir ku şehîdan di oxira parastina destkeftiyên gelê xwe de canê xwe feda kir.
Ji fermandarên Hêzên Ewlekariya Hundirîn Zagros Heleb jî sersaxî da malbatên şehîdan û destnîşan kir ku vebijêrka berxwedanê ya ku her du şehîdan şopandiye hişt ku dewleta Tirk a dagirker li hesabên xwe yên li dijî gelên bi projeya neteweya demokratîk bawer in, vegere.
Endama Kongra Star Nehle Mistefa jî da zanîn ku şehîdan di oxira doza pê bawer dikin de têkoşîn tercîh kir.
Merasîm bi xwendina wesîqeyên şehîdan û radestkirina ji malbatên wan re bi dawî bû.
