Meclisa Tenduristiyê ya Taxên Şêxmeqsûd, Eşrefiyê û Benî Zeyd ên Helebê têkildarî bandora ambargoya hikumta veguhêza a Sûriyeyê ya li ser van taxan daxuyaniyek da.
Daxuyanî li pêşiya Nexweşxaneya Xalid Fecir bi amadebûna bi dehan xebatkarên qada tenduristiyê hat dayîn. Mamoste Zozan Dehar û cîgira hevserokên meclisê Firyal Arif daxuyanî xwend.
Di daxuyaniyê de hate diyarkirin ku “komên çekdar ên girêdayî wezareta parastina ya hikumeta veguhêz ambargoya li ser taxan didomînin, hemû rê û dergehên ku diçin her du taxan girtine, şêniyan kontrol dikin û nahêlin madeyên sereke wekî sotemenî, gaz û derman derbas bibin. Di heman demê de ceyran qut e.”
Di daxuyaniyê de hişyarî hate dayîn ku eger ambargo dewam bike dê zerarên mezin bighêje qada tenduristiyê û jiyana sivîlan.
Di dewama daxuyaniyê de îşaret bi vê yekê hat kirin ku li nexweşxaneya yekane mazot, ceyran û derman gelekî kêm bûne, di encamê de beşên girîng ên nexwexşaneyê di nav de beşa zarokan sekinîne.
Di daxuyaniyê de hat destnîşankirin ku qedexeya derbaskirina sotemeniyê di zivistanî de bû sedema belavbûna nexweşiyan bi taybetî di nava zarokan û kesên bi temen, her wiha bi hezaran xwendekaran ji hawirdoreke guncaw a perwerdeyê bêpar kir.
Meclisê daxuyand ku hikumeta veguhêz berpirsê amabargoyê ye diyar kir ku ambargo sûcek li dijî mirovahiyê ye.
Di dawiya de banga dimildest a rakirina ambargoyê û pêkanîna qanûnên navneteweyî yên mafên mirovan hat kirin.
