Gustavo Petro li ser hesaba xwe ya X’yê daxuyanî da û ev tişt gotin, “Min daxwaza îstîfaya fermî ya wezîr û serokên yekîneyên îdarî kir. Ji bo ku li gorî bernameya gel tevger çêbibe, kabîne wê hin guhertinan çêbike.”
Piştî civîna dijwar a roja Sêşemê ya hefteya bihurî, sê wezîr û du karmendên payebilind ê dewletê êvara Yekşemê îstifa kirin.
Civîna Desteya Wezîran ku zêdeyî pênc saetan dewam kir, di televîzyonan de bi rengekî zindî hate weşandin. Serokkomar Petro ku di sala 2022’yan de bi bernameyeke îsrar a reformên civakî hatibû ser desthilatê, di civînê de ji ber planên hikûmetê weke ku tê xwestin nehatiye bicih anîn hema hema hemû wezîrên xwe bi awayekî hişk rexne kir.
Wezîra Kar Glorîa Ramîrez êvara Yekşemê di daxuyaniya xwe ya li ser X’yê de got, “Divê bêyî mezhebî û nediyariyê, siyaset were meşandin” û îstîfaya xwe da.
Wezîra Hawirdorê Sûsana Mûhamad jî, di dema dawî de îstifaya xwe pêşkêş kiribû.
Roja Çarşemê Serokê DAPRE’yê Jorge Rojas û Wezîrê Çandê Juan Davîd jî îstîfayên xwe dabûn.
