Ji Nîsana 2023’yan û vir ve li Sûdanê di navbera serokê artêşê Abdûlfettah el Bûrhan û hevalbendê xwe yê berê serokê Hêzên Piştgiriya Lezgîn a Paramîlîter (HDK) Muhammed Hamdane Daglo de şer giran dibe. Di demên dawî de êrîş li paytext Hartûmê û derdora wê zêde bûne û sivîl û binesaziyên tenduristiyê tên hedef girtin.
Li gorî AFP’ê di êrîşa HDK’ê ya li dijî nexweşxaneyekê de 5 mirin û di nava qûrbaniyan de kesên dilxwaz ên tenduristiyê jî hene. Nexweşxaneya Al Nao ya di bin kontrola artêşa Sûdanê de ye, ji aliyê Bijîşkên Sînornenasan (MSF) ve tê destekkirin.
Çavkaniyên tenduristiyê diyar kirin ku berê jî ev nexweşxane bûye hedefa HDK’ê.
Li gorî Komîteya rizgariyê ya Navneteweyî, şer rê li ber mirina bi deh hezaran kesî, bê cih û warkirina zêdeyî 12 mîlyon mirovî vekiriye.
Bangên civakên navneteweyî yên ji bo aştiyê, bêbersiv dimînin.
