Dewleta Tirk di 7’ê Tîrmeha 2022’an de li Zapê êrîşek pêk anîbû û di êrîşê de gerîlaya YJA Starê Hêvî Bahtiyar (Menal Akbal) şehîd bibû. Ji bo Hêvî Bahtiyar li taxa Zeynelabidîn a navçeya Nisêbîn a Mêrdînê, serxweşî hat danîn.
Serxweşî ji aliyê malbata wê ve hat danîn û ji aliyê Komeleya Alîkarî û Piştevaniyê ya bi Malbatên Nêzîkên Xwe Windakirin ên li Beşika Medeniyetan (MEBYADER) ve bi girseyî hat ziyaret kirin.
Girseya ku li ber avahiyê DEM Partiyê kom bûyî, bi dirûşma “Şehîd Namirin” heya cîhê serxweşîyê meşiyan. Meşa ku Parlamenterê DEM Partiyê yê Mêrdînê Kamuran Tanhan jî beşdar bûyî, ji alîyê malbata Akbal ve hat pêşwazîkirin. Girseyê, sersaxî ji malbatê re hat xwestin.
Piştî rêzgirtinê, Hevseroka MEBYADER’ê Gurbet Tekin axivî û got ku bi têkoşîna Menal Akbal û hevalên wê, gelê Kurd gihîştiye vê qonaxê. Tekin got, “Pêwîste em vê pêvajoyê bigihînin serkeftinê. Bêyî têkoşînê tu destkeftî nayên bidestxistin. Divê hemû gelê me xwedî li vê pêvajoyê derkeve” û banga berdewamkirina têkoşîna rêxistinî kir.
Dayika Menal Akbal, Selima Akbal jî di axaftina xwe de got ku keça wê ji bo azadiya gelê Kurd şehîd bûye û wiha got: “Ew ne tenê ya me, şehîda Kurdistanê ye. Ew ê tim bi rûmet bê bîranîn.”
