Li gorî nûçeya Rojnewsê, 18’ê Hezîranê roja Çarşemê saet di 19:00 de droneyeke xwekuj ku li ser Kampa Penaberan a Şehîd Rustem Cûdî ya Mexmûrê ji nizm ve difiriya, bi 300 metreyî dûrî kampê kete xwarê.
Li gorî agahiyan, drone beriya ku bikeve ji nizm ve li ser kampê difiriya û dengê wê ji aliyê şêniyên kampê ve bi hêsanî dihate bihîstin.
Drone vê Pêncşemê hate dîtin û hêzên Iraqê gihîştin cihê bûyerê.
Hîn nayê zanîn bê drone ya kîjan welatî ye û armanca xwe çi bû.
Ji 13’ê Hezîranê destpêkirina şerê navbera Îsraîl û Îranê û vir ve gelek caran li ser kampê drone hatin dîtin.
