Li gorî Desteya Rêvebiriya Karesatan a Pakistanê, di 24 saetên dawî de herî kêm 54 kes mirine û 227 kes birîndar bûne. Hejmara giştî ya mirinan ji dawiya Hezîranê ve gihîştiye nêzîkî 180 kesan û hejmara herî zêde ya mirinan li parêzgeha Punjabê çêbûye.
Servîsa Meteorolojiyê, ji bo barana dijwar û lehiyên ji nişkave ku pêk bên hişyarî da.
Li bajarê Rawalpindi betlaneyek giştî hat ragihandin û ji niştecihan hat xwestin ku li malê bimînin û ji bo valakirinê amade bibin. Hin dever ji ber îhtîmala lehiyan hatin valakirin.
Li gorî Desteya Karesatan, ragihand ku ji dawiya meha Hezîranê û vir ve 70 ji kesên ku mirine zarok bûn û nêzîkî 500 kes birîndar bûn.
Pakistan, di nav welatên ku herî zêde ji guherîna avhewayê bandor bûne de ye. Baranên Musonê, her çend ji bo debara jiyanê girîng bin jî, her sal karesatên mezintir bi xwe re tîne.
Welat hîn jî ji lehiyên wêranker ên sala 2022’yan ku bibû sedema mirina 1700 û 33 mîlyon bê cih û war man, xwe rizgar nekiriye.
