Şêniyên bajarê Qamişloyê yê Kantona Cizîrê bi çalakiyek protestoyî êrîşên komên hikumeta demkî ya Sûriyeyê li dijî taxên Şêxmeqsûd û Eşrefiyê yên bajarê Helebê şermezar kirin û piştgiriya xwe ji gelê Şêxmeqsûd û Eşrefiyê re nîşan da.
Çalakî li pêşiya Navenda Çand û Hunerê ya Mihemed Şêxo ya Qamişloyê bi tevlîbûna şêniyên bajêr, koçberên Efrîn-Şehbayê û ciwanan hat lidarxistin.
Di çalakiyê de berxwedana gelê Şêxmeqsûd û Eşrefiyê hat silavkirin.
Komên girêdayî hikumeta demkî, ji vê sibehê ve bi çekên giran û dronan êrişên taxên Şêxmeqsûd, Eşrefiyê û Benî Zêd ên Helebê dikin, di encamê de 3 kes şehîd bûn û 17 kes birîndar bûn.
