Meclisa Malbatên Şehîdan a bajarê Qamişloyê ji bo şervanê Hêzên Sûriya Demokratîk (QSD) şehîd Lewend Qamişlo (Ebdulcebar Xelîl) ku di 5’ê Îlona 2025ˋan de, di encama qezayekî de li bajarê Hesekê de şehîd bû, merasîmek li dar xist. Merasîm li ser xwesteka şehîd Lewend Qamişlo bi amadebûna sedan şêniyên bajarê Qamişlo, endamên Meclisa Malbatên Şehîdan, sazî, dezgehên Rêveberiya Xweser û Kongreya Îslama Demokratîk, li Pakrewangeha Şehîd Delîl Saroxan a Qamişloyê hate lidarxistin.
Merasîmê bi deqeyek rêzgirtinê dest pê kir, piştre endamê Meclisa Malbatên Şehîdan Amar Mûsa axivî û got: “Bi rastî şehîd Lewend şehîdekî qehreman û leheng bû. Ji destpêka şoreşê heya roja îro ve li pey şopa birayê xwe, Lewend Qamişlo yê ku li çiyayên azad şehîd bûye, meşiya û di wê rêyê de şehîd bû.”
Di merasîmê de apê şehîd Adil Xelîl jî axivî û got: “Ji bo me meşa di rêya şehîdan de rûmetekî herî mezin e.”
Piştî axaftinê wesîqeya şehadetê hat xwendin û radestî malbatê hate kirin û hevalên Lewend cenazeye wî bi dirûşma “Şehîd namirin” defin kir.
