Ji bo endamê Desteya Hevserokatiya Partiya Yekitiya Demokratîk (PYD) û hevserokê berê yê partiyê Salih Muslim, duh konê sersaxiyê li nêzî Qada Jina Azad a bajarê Kobanê hatibû vedan, îro di roja duyemîn de dewam dike.
Bi sedan şêniyên bajarê Kobanê, endamên Rêveberiya Kobanê, partiyên siyasî û rêxistinên jinan berê xwe da bin konê sersaxiyê yê ji bo taziyeya şehîd Salih Muslim hatibû vedan û sersaxî ji malbata wî re xwest.
Di bin kon de endamê Rêveberiya Tevgera Civaka Demokratîk (TEV-DEM) Cahîd Hesen sarsaxî ji malbata şehîd Salih Muslim re xwest û wiha got: “Şehîd Salih Muslim ji bo doza gelê Kurd têkoşîn kir û heta nefesa xwe ya dawiyê di nava têkoşînê de bû. Şehîd Salih hem mamoste, têkoşer, hem siyasetmedarî bi navê gelê Kurd û doza gelê Kurd ji bo xwegihandina statuyekî siyasî têkoşîneke bê hempa da maşandin.”
Cahîd Hesen da zanîn ku ew hem wek şagirtekî rêheval Salih Muslim û li hemberî malbata şehîd Salih Muslim soza xwe ji bo doza azadiya gelê Kurd nû kir û wiha got: “Em soz didin ku em ê asta têkoşînê bilind bikin û xewn û xeyalên şehîdan ta azadiyê pêk bînin.”
Hevserokê Meclîsa Bajarê Kobanê Gêlo Hisên axivî û wiha got: “Bi rastî kesayetekî wek bavê Welat mirov behsa wî bike, ziman lal dibe. Ji ber ku bavê Welat ji bo doza gelê Kurd tu kêliyê ranewastiya û têkoşîneke bê hempa da meşandin. Em jî soza didin şehîd Salih Muslim em ê xwedî li mîrasa wî derkevin û şopdarên wêya wî bin.”
Di bin kon de dirûşma “Şehîd namirin” hat berzkirin.
