Li gorî rapora li avahiya komeleyê, di vê demê de 13 jin hatin qetilkirin û 17 jin jî bi rengekî bi guman jiyana xwe ji dest dan.
Ji rêveberên şaxê Nazli Turan axivî û got, tundiya li dijî jinê gihiştiye astên cidî.
Nazli Turan destnîşan kir ku tundiya li hemberî jinê dewam dike û ji ber bi cih neanîna Qanuna bi hejmara 6284’an, tundî zêde bûye.
Her wiha hate diyarkirin ku li qada îstihdamê û kedê ya jinê ne wekhevî didomin û malên xwe spartinê, têrker nînin.
Sekretera Şaxa Îzmîrê ya ÎHD’ê Ovgu Temîzkan jî daneyên binpêkirinê yên di raporê de ragihand.
ÎHD’ê tespît kir ku herî kêm 233 caran maf hatine binpêkirin û ev pêşniyar kir: Wekheviya zayendparêziyê ya civakî li her qadê hebe, hiqûqa cezayê ji bo parastina jinan were sererastkirin, Qanûna bi hejmara 6284’an bi rengekî bi bandor were bicihanîn, xetên piştgiriya profesyonel ên bi pir zimanî û xwe gihandina wan hêsan bên avakirin, jinên koçber bên parastin, cihên xwe spartinê li gorî standartên navneteweyî bê û di cînayetên jinan de dawî li bêcezatiyê were.
