Li bajarê Rio de Janeiro ya Brezîlyayê operasyoneke berfireh li dijî rêxistineke sûcdar a herî mezin a narkotîkê hat lidar xist. Di operasyona ku nêzîkî 2 hezar û 500 endamên hêzên ewlehiyê cih girtin de şer derket.
Li gorî AFP’ê, herî kêm 132 kes hatin kuştin. Li gorî dîmenên cihê bûyerê, wesayîtên zirxî û helîkopter li herêmê derketine dewriyeyê.
Serokê Dewleta Brezîlyayê Luila Inacio Lula da Silva, diyar kir ku ji bo operasyona pêşxext hikûmeta wî nehatiye agahdarkirin û got ku welatê wî dê sûcên rêxistinkirî qebûl neke.
Piştî operasyonan şêniyên herêmê şoq û tirsek mezin jiyan. Bi dehan cenaze ji aliyê niştecihan ve ji daristanê hatin derxistin. Li gorî şahidan hin cenaze bê serî bûne û nayên naskirin.
Şêniyên herêmê polîs bi “kuştinên bêdaraz” tawanbar kirin.
Neteweyên Yekbûyî fikarên xwe yên li ser bûyerê anîn ziman û ji Brezîlyayê xwest ku lêpirsînek berfireh bike.
