Li gorî nûçeya AFP’ê, i sedan kes ku piraniya wan mêr bûn tevlî xwepêşandanê bûn û dirûşmên ‘Hamas derkeve’, ‘Hamas terorîst’ qîriyan.
Çalakî roja Sêşemê pêk hat û banga bidawîkirina şer hate kirin.
Di şerê ku bi êrîşa Hamasê ya 7’ê Cotmeha 2023’an a li ser Îsraîlê re destpê kir, piştî agirbesta 2 mehan di 18’ê Adarê de li Şerîda Xezeyê bombardûmanê ji nû ve destpê kir.
Yek ji xwepêşandêran ku nexwest paşnavê xwe eşkere bike, Mûhammed got, “Ez nizanim bê kê xwepêşandan lidar xist.” Mûhammed got, “Ji bo peyama gel a ‘Bes e ji şer re’ ragihînim, tevlî bûm.” Her wiha diyar kir ku hêzên ewlekariyê yên Hamasê yên bi kincê sivîl xwepêşandan belav kirin.
Xwepêşandêrekî din ê bi navê Majdî jî got, “Mirov westiyane” û diyar kir, eger destberdana ji desthilatdariyê çareserî be, hingî çima Hamas ji bo parastina gel dest ji desthilatdariyê bernade?
Li ser tora medya dîjîtal Telegramê roja Sêşemê tevahiya rojê ji bo xwepêşandanê bang hate kirin.
