Komîsyona Girtîgehan a Şaxa Komeleya Mafên Mirovan (ÎHD) a Stenbolê 671’emîn çalakiya xwe ya “Rûniştina F” li ber avahiya şaxê li dar xist. Di çalakiya vê hefteyê de bal kişandin ser rewşa tenduristiyê ya Îsa Ozgan ku li Girtîgeha Marmaya ya hejmar 5 tê girtin. Di çalakiyê de daxwaza berdana Ozgan hate kirin.
Endamê Desteya Rêveber a ÎHD’ê Zeynep Yildiz rewşa tenduristiyê ya girtiyê nexweşê giran Îsa Ozgan ku li Girtîgeha Marmara ya hejmar 5 tê girtin, ragihand.
ENQERE
Endamên Însiyatîfa Azadiyê ji bo Girtiyên Nexweş di hefteya 543’an a çalakiya xwe de li hev civiyan. Endamên însîyatîfê ku li Kolana Sakarya ya li navçeya Çankayayê li hev civiyan, di vê hefteyê de bal kişandin ser rewşa girtiyê nexweşê giran Abdûllah Yilmaz ku li Girtîgeha Girtî ya Ewlehiya Bilind a bi hejmar 1 a Xarpêtê tê girtin.
Endama Komeleya Mafên Mirovan (ÎHD) a Enqereyê Sevîl Tûrgût diyar kir ku girtiyê nexweş Abdûllah Yilmaz 62 salî ye û ji ber emrê wî gelek nexweşiyên wî yên kronîk hene û anî ziman ku divê demildest bê berdan.
