Serokwezîrê Iraqê Mihemed Şiya Sûdanî bi Serokê Herêma Kurdistanê Nêçîrvan Barzani re bi rêya telefonê axivîn. Ofîsa Serokwezîriyê li ser hesabê xwe yê medyaya dîjîtal axaftina Sûdanî û Barzanî ragihand.
Li gorî daxuyaniya ofîsa Serokwezîriyê aliyan Başûrê Kurdistanê jî di nav de êrîşên li ser hin bajarên Iraqê red kirin. Sûdanî û Barzanî diyar kirin ku divê axa Iraqê ji bo êrîşên li dijî dewletên cîran neyê bikaranîn.
Her wiha di daxuyaniyê bal kişandin ser girîngiya helwesta hevpar a ji bo aramî û parastina serweriya welat.
