Malpera Dengê Girtiyên Kurd û Îranê ragihand ku malbatên girtiyên li Girtîgeha Qizilhesarê ya Kerecê ku di greva birçîbûnê de ne, li ber Parlamenta Tehranê li dijî cezayên darvekirinê xwepêşandan lidar xistin û daxwaza rakirina cezayan kirin.
Hate diyarkirin ku xwepêşandan ji ber êrîşa polîs û hêzên ewlehiyê yên Îranê veguherî tundûtijiyê. Hêzên ewlehiyê bi copan êrîşî xwepêşanderan kirin ku hejmarek ji wan jin jî di nav de bûn. Lê malbatên girtiyan çalakiya xwe berdewam kirin.
Li gorî zanyariyên di Malperê de hatî belavkirin, hêzên ewlehiyê bi karanîna tundiyê hejmarek ji xwepêşanderan binçavkirin.
Hêjayî gotinêye ku di 15’ê Cotmehê de hezar û 500 girtiyên bi cezayê darvekirinê hatine cezakirin yên li girtîgeha Qizilhesar, li dijî cezayên darvekirinê dest bi greva birçîbûnê kirin. Di nava çend rojên bihurî de 17 girtî li girtîgehê hatine darvekirin.
