Welatiyên ku ji ber avahiya navçeyê ya DEM Partiyê dest bi meşê kirin, li Qada Newrozê ya Fuar hatin ba hev û tevî baranê jî şahiyeke bi coş lidar xistin.
Bername di saetên siharê de destpê kir û ji bo bîranîna kesên di têkoşîna azadiyê de jiyana xwe ji dest dane, bi deqeyek rêzgirtinê destpê kir.
Li qadê posterên Rêber Apo hatin hildan û dirûşmeyên “Bijî Serok Apo”, “Bê Serok jiyan nabe” û “Şehîd namirin” hatin berzkirin û govend hate gerandin.
Parlamenterê Amedê yê DEM Partiyê Cengîz Çandar axivî û diyar kir ku Newroz ji bo gelê Kurd tê wateya aştî û demokrasiyê. Çandar got, “Em ê Abdullah Ocalan û hevalên li zindanan û yên mîna Besê Hozan têdikoşin, di nava xwe de bibînin. Eger Abdullah Ocalan azad nebe, em jî nabin.”
Parlamentera Şirnexê ya DEM Partiyê Newroz Ûysal Aslan jî diyar kir ku Newrozê deriyê jiyaneke nû vekiriye.
Hunermend derketin ser dikê û girseyê demek dirêj govend gerand.
