Li bajarê Toronto yê Kanadayê bi boneya 8’ê Adarê Roja Jinên Kedkar ên Cîhanê bi pêşengiya endamên TekoJIN (Tevgera Jinên Ciwanên Têkoşer) û TCŞ (Tevgera Ciwanên Şoreşger) li Salona Edessa ya Toronto şahiya 8’ê Adarê hate lidarxistin. Jinên Kanadayî jî beşdarî şahiyê bûn.
Di çalakiyê de tundiya mêr a li dijî jinê hate şermezarkirin. Çalakiya ku bi sînevîzyon û axaftinên beşdarên navneteweyî destpê kir, bi govenda koma folklorê dewam kir.
Şahî bi stranên hunermendên jin û gerandina govendê bi dawî bû.
