Kesên ku di çalakiyên protestoyî yên li hemberî desteserkirina Şaredariya Bajarê Mezin a Wanê de hatibûn binçavkirin, bi komî sewqî edliyeyê tên kirin. Duh 22 welatiyên ku hatibûn binçavkirin hatin girtin û îro jî 5 jê zarok 18 kes hatin girtin. Li gel vê yekê hejmara welatiyên ku hatin girtin, gihîşt 40’î.
ZÊDETIRÎ 100 KESÎ HÊ JÎ DI BIN ÇAVAN DE NE
Hate ragihandin ku hê jî zêdetirî 100 welatî di bin çavan de ne û welatiyên ku hatine binçavkirin bi hinceta “endamtiya rêxistinê” û “muxalefeta li dijî yasaya hejmar 2911’an” tên darizandin.
Têkildarî tundiya polîsên Tirk li ser X’ê hashtaga “#VandaİşkenceVar” hate destpêkirin. Gelek bikarhênerên X’ê bi parvekirinan piştgirî dan tagê.
