Malbatên li Girkê Legê ku zarokên wan ji aliyê hikûmeta demkî ya Sûriyeyê ve dîlgirtî hatine girtin, ji bo metirsiya aqûbeta zarpkûn xwe bînin ziman daketin kolanê. Malbatên dîlgirtiyan ji bo berdana zarokên xwe li Qada Şehîd Xebat xwepêşandanek li dar xist.
Malbatan wêneyên zarokên xwe û pankartên bi daxwaza berdana wan û bidawîkirina êşên malbatan hildan. Malbatan da zanîn ku berdewama girtina wan ji dema êrişên Çileyê ve fikarên malbatan û êşên wan zêde kirin.
Malbatan hikûmeta demkî ya Sûriyeyê berpirsa derengxistina bicihanîna bendên peymana 29ˊê Çileyê dît, bi taybet jî benda girêdayî dîlgirtiyan.
Di dawiyê de malbatan got ji ber berdewama girtina zarokên wan û metirsiya li ser jiyana wan ew derdikevin qadan û heta pêkanîna daxwaza wan ew ê çalakiyên xwe bidomînin.
