Mazlûm Ebdî: Saziyên Rêveberiya Xweser dê hebûna xwe bidomînin

Fermandarê Giştî yê QSD’ê Mazlûm Ebdî, li bajarê Hesekê yê Bakur û Rojhilatê Sûriyeyê beşdarî civînekî gel bû û paşeroja Rêveberiya Xweser nirxand. Ebdî destnîşan kir ku saziyên Rêveberiya Xweser dê hebûna xwe bidomînin.
 
Mazlûm Ebdî diyar kir ku di avahiya heyî de dê hinek guhertinên îdarî werin kirin û destnîşan kir ku wezaretên di nava Rêveberiya Xweser de dê veguherin statuya “mudiyetê”. Herwiha Ebdî anî ziman ku Deriyê Sînor ê Sêmalkayê dê mîna rewşa xwe ya heyî xebatên xwe bidomîne û tûgayên leşkerî yên girêdayî QSD’ê jî dê li Dêrik, Qamişlo û Hesekê bên bi cihkirin.