Meclîsa Ciwanan a DEM Partiyê ji bo hevdîtina bi Rêber Apo re serî li Wezareta Edaletê da. Komek ji endamên Meclîsa Ciwanan çûn ber avahiya Wezareta Edaletê û daxwazname radestî wezaretê kir. Ciwanan piştî ku serî li Wezareta Edaletê dan, li ber wezaretê daxuyanî dan çapemeniyê. Metna daxuyaniyê ji aliyê endamê Meclîsa Ciwanan a DEM Partiyê Baran Tûncay Yildirim ve hate xwendin.
Baran Tûncay Yildirim anî ziman ku ew weke endamên Meclîsa Ciwanan dixwazin bi Rêber Apo re hevdîtin bikin û got: “Em dixwazin bi Rêber Apo re rû bi rû hevdîtin bikin û ji fikir û remanên wî sûdê werbigirin. Çareserî ne tenê bêdengkirina çekan e, di heman de divê azadiya fizîkî ya birêz Ocalan pêk were. Em weke ciwan ji bo pêvajoyê dixwazin rol û mîsyona xwe bi cih bînin û divê hemû beşên civakê jî xwedî li pêvajoyê derkeve.”
