Meclisa Sûriya Demokratîk (MSD) têkildarî “Konferansa Yekrêzî û Yekhelwesta Kurdî li Rojava” daxuyaniyeke nivîskî da.
Di daxuyaniyê de hat gotin bi dehan salan Kurdên li Sûriyeyê sernavê êşê û zordariyê bûn, li ser xaka welatê xwe du caran êş çêj kirin; careke çewisandina li dijî Sûriyeyiyên ku daxwaza azadî û rûmetê dikirin û cara din êşa çewisandina neteweyî kişandin. Hebûn û mafên wan ên xwezayî hatin hedefgirtin, hatin girtin û koçberkirin, û ew ji kesên pêşîn bûn ku berdêla Sûriyeya demokratîk dan.
BERXWEDAN RUHÊ KOLEKTÎF
MSD’ê lidarxistina Konferansa Yekrêzî û Yekhelwesta Kurdî li Rojavayê Kurdistanê pîroz kir û wiha domand: “Ev gaveke dîrokî ye ku vîna jiyanê û berxwedana ruhê koletîf a li hember hewlên paşguhkirin û têkbirinê, nîşan dide.
Em piştgiriyê didin kedên yekhelwesta nîştîmanî ya Kurdî ya ya di çarçoveya projeya giştî ya Sûriyeyê de. Ev projeya li ser bingeha ku pirsgirêka Kurd ne pirsgirêka beşekê ji civakê yan jî herêmekê ye. Lê belê ew pirsgirêkeke resen e û beşek ji cenga azadî û edaletê ya gelê Sûriyeyê ye.
AVAKIRINA AZADÎ Û DEOKRASIYÊ
MSD’ê di daxuyaniya xwe de diyar kir ku yekrêziya Kurdî ya îro bingeha avakirina yekrêziya niştîmanî ya Sûriyeyê ye, û çawa Kurd parçeyek ji êşên Sûriyeyê bûn îro ew parçeyek ji rêveçûna xelasiya wê û avakirina wê li ser bingehên azad, demokrasî û pirrengiyê ne jî.”
Di dawiyê de MSD’ê spasiya organîzatorên konferansê û beşdarên wê kir û got ev gav ji bo siberojeke baştir jêdera hêviyê ye; siberojeke ku tê de enerjî û vîn bibin yek, pêkhateyên gelê Sûriyeyê tevahî peymaneke niştimanî ya nû saz bikin ku tê de nirxên wekhevî xurt bibe û Sûriyeyeke azad, demokratîk, pirrengî ya nenavendî ava bibe, ye.
