Daxuyaniya Navenda Ragihandin û Çapemeniyê ya HPG’ê (HPG-NRÇ) bi vî rengî ye:
“Tunela Berxwedanê ya Girê Amediyê ya li herêma Şehîd Delîl a Rojavayê Zapê li dijî êrîşên dagirkeriyê yên artêşa Tirk îradeyeke xurt ava kir û veguherî kelheke ku ti kes nikare têk bibe, berxwedaneke destanî ya 4 salan raber kir. Berxwedana Girê Amediyê yek ji berxwedanên tunelan a di dîroka me ya têkoşînê de herî demdirêj e, mohra xwe li dema dawî xist, bi xwe re gelek destkeftî anîn û rê li ber bandoreke mezin vekir. Bi dost û dijmin da qebûlkirin ku milîtaniya fedayî ya Apoyî têk naçe.
Ji fermandarên me yên fedayî yên Apoyî Delîl Zagros – Cercîş Çaksu, Guven Doza – Cansel Dursun, Andok Adil – Ramazan Bîlal, Ciwan Welat – Fatîh Bulut û Armanc Azadî – Şehrîban Alturk pêşengî ji vê berxwedana dîrokî re kirin û ev berxwedan bi fermandariya hevrê Sîdar Armanc dewam kir.
Hevrêyê me Sîdar Armanc ji hevrêyên xwe yên fedayî yên şehîd bûne, fermandariya Berxwedana Girê Amediyê dewr girt û li pey şopa şehîdan meşiya. Di 4’ê Gulana 2024’an de di êrîşa dijmin de şehîd bû. Em fermandarê fedayî yê Apoyî hevrê Sîdar Armanc bi rêzdarî bi bîr tînin û soz didin ku berxwedana wî ya dîrokî ya ji me re weke mîrate hiştî, destkeftiyên wî yên mezin, serweriya wî ya di taktîkê de û hevrêtiya wî ya heqîqî ji xwe re bikin rênîşana têkoşînê û ber bi serketinê ve bimeşin.
Di serî de malbata hêja ya hevrêyê me Sîdar Armanc, em ji hemû gelê Serhedê yê welatparêz û gelê Kurdistanê yê welatparêz re sersaxiyê dixwazin.
Agahiyên derbarê nasnameya hevrê Sîdar Armanc bi vî rengî ne:
|
|
Nasnav: Sîdar Armanc |
Hevrêyê me Sîdar li navçeya Erdîş a Wanê ku bajarekî qedîm ê Serhedê ye, di nava malbateke welatparêz de hate dinê. Ji ber ku malbata wî girêdayî nirxên neteweyî û welatparêziyê bû, hevrêyê me girêdayî cewherê Kurdîtiyê mezin bû. Hevrêyê me ku endamê malbateke komkujiya Geliyê Zîlan jiyan kiriye, rastiya dijmin di temenekî zû de fêr bû. Hevrêyê me bi guhdarkirina çîrokên li ser zilma ku di dema pêvajoya Serhildana Agiriyê de dewleta Tirk û hêzên hevkarên wê li Geliyê Zîlan pêk anîn, mezin bû û her tim li dijî dijmin bû xwedî hêrs. Hevrêyê me di temenekî biçûk de ji bo tevkariyê li debara malbata xwe bike, di gelek karan de xebitî û aliyê xwe yê kedkar her tim parast. Nakokiyên wî yên li dibistanên sîstemê jiyan kirî, berê hevrêyê me da lêgerînan. Hevrêyê me yê ku li hemberî tevgera Apoyî sempatî hîs kir, lêgerînên xwe kûr kir. Hevrêyê me biryar da ku di nava xebatên ciwanan de cih bigire, Tevgera me û Rêbertî xwend û derfetê nîqaşkirinê dît. Hingî ku jiyana Partiyê dît sedemê xwe yê têkoşînê, her roja borî mezintir kir. Di salên zanîngehê de bi rengekî aktîf beşdarî xebatên ciwanan bû. Hevrêyê me derdora xwe bi sekna xwe ya di jiyanê de û xîtabeta xwe bandor kir. Di xebatên tevlîbûn û rêxistinbûnê de pir zû performanseke serketî nîşan da. Hevrêyê me di bin êrîş û zexta zêde ya dijmin de xebatên xwe meşand. Ji ber xebatên di nav de, gelek caran hate binçavkirin û tevî vê yekê jî ti carî ji sekna xwe ya şoreşger tawîz neda. Xebatên şoreşgeriyê yên hevrêyê me weke sûc hate nîşandan û salekî li zindana Tîpa F a Tekîrdagê hate girtin. Hevrêyê me pêvajoya zindanê baş nirxand û lêhêrbûnên xwe kûr kir. Ji ber ku di ferqa polîtîkayên dijmin ên qirkirin û asîmîlasyonê yên li ser gelê me de bû, biryar da ku têkoşîna xwe mezin bike. Gerîlayên ku ji bo parastina gelê me li çiyayên azad şer dikin, ji xwe re mînak girt. Gav bi gav li ser rêya bûyîna şervanê azadiyê yê gelê xwe, ber bi pêş ve çû. Fikirî ku dema girtina berpirsyariya dîrokî hatiye û zanî ku bersiva herî baş a ji zilma dewletê re were dayîn tevlîbûna nava refên gerîla ye, çawa ji zindanê derket di sala 2013’an de tevlî nava refên gerîla bû.
Hevrêyê me yê ku di sala 2013’yan de li Metînayê perwerdeya şervanên nû dibîne, bi coş û kelecaneke mezin tevlî jiyana gerîlayan dibe. Di demeke kurt de adapteyî jiyana gerîlayan û şert û mercên jiyana çiyayan dibe. Ji ber ku xwedî tecrûbe ye ji kêliyên destpêkê ve bala hevrêyên xwe dikişîne. Hevrêyê me yê ku li Metînayê xwe ji tu xebatan nade paş, girêdayî kûrbûnên xwe yên mezin pêşniyar dike ku di nava Hêzên Taybet de cih bigire. Hevrêyê me yê ku dilsozekî mezin ê Rêbertî û şehîdan e, armanc dike ku tola şehîdan hilîne. Hevrêyê me weke fedaiyekî tam heya kêliya dawîn jî têdikoşe, di nirxandineke xwe de dibêje; ‘Armanca min ew e ku ez weke peyrewekî Rêber Apo ku afirînerê têkoşîneke bêhempa ye û şehîdan xwe bigihînim asta fedaîbûnê. Ji bo xwegihandina armanc û hedefan jî cihê herî rast Hêzên Taybet e û ez ê hemû bala xwe bidim fedaîbûnê, di vê çarçoveyê de xwe birêxistin bikim’.
Hêvrêyê me yê ku di bin sîwana Hêzên Taybet de perwerdeyeke baş distîne, kûrbûnên xwe yên têkildarî fedaîbûnê roj bi roj zêde dike û weke xwendekarekî fermandara me ya mezin Zîlan (Zeynep Kinaci) kete nava lêgerîna bersivbûna ji bo Rêbertî û gel. Piştî pêvajoya perwerdeya dijwar di hemû kêliyên jiyana xwe de hevrêyên xwe yên fedaî ku wan weke rênîşanderên xwe dibîne, bi bîr tîne û berê xwe dide xeta fedaîbûnê. Piştî ku perwerdeya xwe bi awayekî serkeftî temam dike, li qadên cuda beşdarî xebatên partiyê dibe. Bi baldarî, hessasiyet û berpirsiyariya şoreşgerî ya mezin nêzî xebatên xwe dibe û tecrûbeyên mezin bi dest dixe. Pênc salan li gel rêveberiya Tevgera me di xebatên xwe yên ewlehiyê de jî bi saya kesayeta xwe ya mutewazî û israra xwe ya xwedîlêderketina jiyana partiyê ji aliyê hemû hevrêyên xwe ve gelekî tê hêzkirin.
Hevrêyê me Sîdar ê ku piştî pratîka xwe ya li Qendîlê daxilî perwerdeya Dibistana Navendî ya Partiyê ya Mazlûm Dogan dibe, xwe li ser îdeolojiya Apoyî û berpirsiyariyên şoreşgerî yên serdemê kûr dike. Hevrêyê me yê ku hem perwerdeyê dibîne hem jî bi perwerdeya hevrêyên xwe re eleqedar dibe, weke peyrew û şopdarekî fermandar Zîlanê sekneke hevsengî giraniya saziya fedaiyan ya nûnertiya wê dike, nîşan dide. Hevrêyê me ji bo ku li hemberî tecrîda giran a dewleta Tirk a dagirker a li ser Rêbertiya me û operasyonên dagirkeriyê yên li ser Herêmên Parastinê yên Medyayê bibe bersiv, berê xwe dide Behdînanê. Hevrêyê me Sîdar ê ku ji aliyê hevrêyên xwe ve gelekî tê hezkirin, hemû erkên xwe bi serkeftî bi cih tîne, weke gerîlayekî fedaî û profesyonel bi ked û hewldaneke mezin daxilî pratîkê dibe. Bi saya baldarî û disîplîna xwe ya di xebatên li Garê de di warê leşkerî de jî xwe digihîne asteke bilind. Ji xebatên binesaziyê heya fermandariya kampê karkirina di hemû astan de weke hewcehiyeke şoreşgeriyê dibîne û bi vê yekê şanaz bû. Bêyî mezinahî û biçûkatiya ji bo azadiya gelê me bi evîneke mezin berê xwe da hemû xebatan.
Hevrêyê me li hemberî operasyonên dewleta Tirk ên dagirkirinê yên di sala 2022’yan de li Zap, Avaşîn û Metînayê dane destpêkirin, weke milîtanekî fedaî yê Apoyî pêşniyar kir ku derbasî qadên şer bibe. Derbasî Herêma Şehîd Delîl Zagros a Rojavayê Zapê bû û li vir bi lez daxilî gelek xebatan bû û kedeke mezin nîşan da. Hevrêyê me Sîdar ê ku li her derê bi sekn û tevlîbûna xwe dibe mînak, li qada şer jî berpirsiyariyên mezin digire ser xwe. Li Herêma Şehîd Delîl Zagros a Rojavayê Zapê jî ku dijmin lê dixitime û derbên mezin dixwe, roleke mezin dilîze. Hewl da ku tola komkujiyên bêhejmar yên ji Geliyê Zîlan û heya roja me ya îroyîn, ji dijminê qirker bistîne. Hevrêyê me Sîdar bi sekna xwe ya bibiryar a li ser xeta fedaîbûnê, tevlîbûna xwe ya îdeolojîk, tecrûbeyên xwe yên di warê leşkerî de û hevrêtiya xwe ya rastîn ji me re mîrateyeke têkoşînê ya nejibîr û telîmata serkeftinê hişt. Bîranînên wî dê tim rêya me ronî bikin, armancên wî werin pêkanîn û li Kurdistana azad tim zindî bimîne.”
